200 OKبنك السيو

فحص جاهزية الموقع للذكاء الاصطناعي ووكلاء AI

اكتب رابط موقعك والأداة هتفحص أكتر من 20 نقطة بيدور عليها ChatGPT وClaude ووكلاء الذكاء الاصطناعي، وتقولك درجتك ومستواك وتصلّح إيه بالظبط، مع الكود جاهز.

  • أكتر من 20 فحص
  • مستوى من 0 لـ 5 زي isitagentready
  • خطوات الإصلاح لأي موقع ولووردبريس
  • مجانية ومن غير تسجيل

إزاي تصلّح كل نقطة على موقعك

لكل نقطة بتفحصها الأداة: الخطوات على أي موقع، وتحتها الحل لو موقعك WordPress بالإضافة ومكان الإعداد. افتح النقطة اللي ظهرت عندك ناقصة وامشي عليها بالترتيب.

بوتات الذكاء الاصطناعي

قواعد بوتات الذكاء الاصطناعي في robots.txt

على أي موقع

  1. افتح ملف robots.txt في جذر موقعك (example.com/robots.txt) وشوف فيه مجموعة User-agent: * على الأقل.
  2. لو فيه منع لبوتات البحث بالذكاء الاصطناعي (OAI-SearchBot أو Claude-SearchBot أو PerplexityBot أو ChatGPT-User) شيله، لأنها هي اللي بتخلّيك تظهر كمصدر في الإجابات.
  3. لو عايز تمنع التدريب بس، امنع GPTBot و ClaudeBot و CCBot و Google-Extended في مجموعات لوحدها، ومتلمسش Googlebot.
  4. افحص تاني وبص على جدول "مين من بوتات الذكاء الاصطناعي يقدر يقرا موقعك".

لو موقعك WordPress

Yoast SEORank Math SEO

  1. Yoast: من Yoast SEO › Tools › File editor عدّل robots.txt. Rank Math: من Rank Math › General Settings › Edit robots.txt.
  2. اتأكد إن إضافات الحماية (Wordfence أو All In One WP Security) أو إعداد Bot Fight Mode في Cloudflare مش بيمنعوا بوتات البحث بالذكاء الاصطناعي.
  3. لو مفيش إضافة سيو، ووردبريس بيعمل robots.txt افتراضي. ارفع ملف robots.txt حقيقي في public_html وهو هياخد مكانه.
Content-Signal: شروط استخدام محتواك

على أي موقع

  1. قرر: عايز محتواك يظهر في البحث (search)؟ في إجابات الذكاء الاصطناعي (ai-input)؟ في تدريب النماذج (ai-train)؟
  2. ضيف سطر واحد تحت User-agent: * في robots.txt، مثلًا: Content-Signal: search=yes, ai-input=yes, ai-train=no
  3. لو عندك مجموعات بأسماء بوتات معينة، كرر نفس السطر جوه كل مجموعة، لأن البوت اللي ليه مجموعة باسمه بيتجاهل مجموعة النجمة.

لو موقعك WordPress

Yoast SEORank Math SEO

  1. افتح محرر robots.txt في Yoast من Tools › File editor أو في Rank Math من General Settings › Edit robots.txt وضيف السطر تحت User-agent: *.
  2. لو موقعك على Cloudflare: من AI Crawl Control تقدر تفعّل robots.txt المُدار، وهو بيضيف Content-Signal لوحده.

اكتشاف الموقع

ملف robots.txt

على أي موقع

  1. اعمل ملف نصي اسمه robots.txt فيه على الأقل: User-agent: * ثم Allow: / ثم سطر Sitemap.
  2. ارفعه في جذر الموقع بحيث يفتح على example.com/robots.txt.
  3. اتأكد إنه بيرجع كنص (text/plain) مش صفحة HTML أو صفحة 404.

لو موقعك WordPress

Yoast SEORank Math SEO

  1. ووردبريس بيعمل robots.txt افتراضي، بس الأفضل تتحكم فيه من محرر Yoast أو Rank Math.
  2. لو الرابط بيفتح صفحة الموقع بدل الملف، غالبًا إعدادات الروابط الدائمة أو الكاش. احفظ الروابط الدائمة تاني من الإعدادات ← الروابط الدائمة وامسح الكاش.
خريطة الموقع XML

على أي موقع

  1. اعمل خريطة موقع فيها كل صفحاتك المهمة مع تاريخ آخر تعديل (lastmod). أغلب المنصات بتعملها لوحدها.
  2. ضيف سطر في آخر robots.txt: Sitemap: https://example.com/sitemap.xml
  3. ابعتها لـ Google Search Console و Bing Webmaster Tools.

لو موقعك WordPress

Yoast SEORank Math SEO

  1. Yoast: Yoast SEO › Settings › Site features › XML sitemaps (الرابط /sitemap_index.xml). Rank Math: Rank Math › Sitemap Settings.
  2. من غير إضافة: ووردبريس بيعمل خريطة على /wp-sitemap.xml.
  3. Yoast و Rank Math بيضيفوا سطر Sitemap في robots.txt تلقائي. لو مش ظاهر ضيفه بإيدك من محرر robots.txt.
ملف llms.txt

على أي موقع

  1. اكتب ملف Markdown: أول سطر # اسم الموقع، وبعده سطر يبدأ بـ > فيه وصف قصير.
  2. تحتهم عناوين ## لكل قسم، وتحت كل عنوان روابط أهم الصفحات بالشكل: - [اسم الصفحة](الرابط): وصف قصير.
  3. ارفعه على example.com/llms.txt وحدّثه كل ما تضيف صفحات مهمة.

لو موقعك WordPress

Yoast SEORank Math SEOWebsite LLMs.txt

  1. Yoast: من Yoast SEO › Settings › Site features فعّل llms.txt. Rank Math: من Rank Math › Dashboard › Modules فعّل موديول LLMS Txt.
  2. أو استخدم إضافة Website LLMs.txt، وهي بتحدّث الملف لوحدها مع كل مقال جديد.
Link headers في رد السيرفر

على أي موقع

  1. ضيف هيدر Link لرد الصفحة الرئيسية بيشاور على llms.txt وخريطة الموقع، مثلًا: Link: </llms.txt>; rel="describedby", </sitemap.xml>; rel="sitemap"
  2. Cloudflare: من Rules › Transform Rules › Modify Response Header. Nginx: add_header Link. Apache: Header add Link في .htaccess.
  3. اتأكد بأمر: curl -I https://example.com/ وشوف سطر link في الرد.

لو موقعك WordPress

WPCode (لإضافة أكواد من غير تعديل القالب)

  1. في WPCode ضيف PHP Snippet بالكود ده وخليه يشتغل في كل مكان:
  2. add_action('send_headers', function () { if (is_front_page()) header('Link: </llms.txt>; rel="describedby", </sitemap_index.xml>; rel="sitemap"', false); });
  3. لو بتستخدم كاش قوي (LiteSpeed Cache أو WP Rocket) امسح الكاش بعد الإضافة. ولو على Cloudflare، Transform Rules أسهل.

قراءة المحتوى

نسخة Markdown للوكلاء

على أي موقع

  1. الأسهل: لو موقعك على Cloudflare، افتح AI Crawl Control وفعّل Markdown for Agents (متاحة في بعض الخطط بس).
  2. من السيرفر: لو الطلب فيه Accept: text/markdown، رجّع نسخة Markdown من الصفحة مع Content-Type: text/markdown و Vary: Accept.
  3. ضيف في الـ head رابط للنسخة: <link rel="alternate" type="text/markdown" href="/page/index.md">
  4. اتأكد بأمر: curl -sI -H "Accept: text/markdown" https://example.com/

لو موقعك WordPress

  1. لو الموقع ورا Cloudflare، فعّل Markdown for Agents من لوحة Cloudflare. دي أسهل وأسرع طريقة لووردبريس ومن غير إضافات.
  2. من غير Cloudflare: محتاج مطوّر يعمل نسخة Markdown لكل مقال ويرجّعها لما الطلب يكون Accept: text/markdown، مع Vary: Accept عشان الكاش.
  3. لو عندك كاش صفحات (WP Rocket أو LiteSpeed)، اتأكد إنه بيحترم Vary: Accept، وإلا ممكن زوار عاديين ياخدوا نسخة Markdown.
المحتوى موجود في HTML من السيرفر

على أي موقع

  1. افتح الصفحة واضغط Ctrl+U (عرض المصدر) ودوّر على نص المقال. لو مش موجود، المحتوى بيتبني بالجافاسكريبت.
  2. في React أو Vue استخدم SSR أو صفحات ثابتة (Next.js أو Nuxt أو Astro) بدل ما الصفحة تتبني في المتصفح.
  3. حط نص حقيقي في الصفحة الرئيسية (250 كلمة على الأقل) يشرح الموقع بيقدم إيه.

لو موقعك WordPress

  1. ووردبريس بيطلّع HTML من السيرفر أصلًا، فالمشكلة غالبًا في قالب أو بيلدر بيحمّل المحتوى بالجافاسكريبت، أو صفحة رئيسية كلها صور وسلايدر.
  2. ضيف فقرة نصية حقيقية في الصفحة الرئيسية عن الموقع وخدماته، وشيل أي إضافة "تحميل كسول" بتأجل النص نفسه (مش الصور).
بيانات منظمة (JSON-LD)

على أي موقع

  1. ضيف كود JSON-LD فيه Organization (اسمك وشعارك وروابط حساباتك) و WebSite في الصفحة الرئيسية.
  2. ضيف النوع المناسب لكل صفحة: Article للمقالات، Product للمنتجات، FAQPage للأسئلة، LocalBusiness للنشاط المحلي.
  3. اختبره في Rich Results Test من جوجل وصلّح أي خطأ.

لو موقعك WordPress

Yoast SEORank Math SEO

  1. Yoast: من Settings › Site representation اختار شركة أو شخص وارفع الشعار. Yoast بيعمل Organization و WebSite و Article لوحده.
  2. Rank Math: Titles & Meta › Local SEO لبيانات النشاط، و Schema Generator لكل مقال.
  3. متشغّلش إضافتين سيو مع بعض، عشان مش يطلع Schema مكرر.
أساسيات HTML

على أي موقع

  1. اتأكد إن كل صفحة فيها title و meta description و h1 واحد و canonical و lang على وسم html ووسوم Open Graph.
  2. حط المحتوى الأساسي جوه <main> أو <article>.

لو موقعك WordPress

Yoast SEORank Math SEO

  1. Yoast و Rank Math بيضيفوا الوصف و canonical و Open Graph تلقائي.
  2. اللغة من الإعدادات ← عام ← لغة الموقع، والقالب لازم يستخدم language_attributes(). لو h1 مش موجود في الصفحة الرئيسية، عدّلها من القالب أو البيلدر.

أدوات الوكلاء

Agent Skills (مهارات للوكلاء)

على أي موقع

  1. اكتب ملف SKILL.md بالإنجليزي: في أوله name و description بيبدأ بـ "Use when..."، وتحتهم خطوات بتشرح للوكيل يستخدم موقعك أو محتواك إزاي.
  2. ارفعه على /.well-known/agent-skills/اسم-المهارة/SKILL.md
  3. اعمل /.well-known/agent-skills/index.json فيه $schema ومصفوفة skills، وكل مهارة فيها name و type: "skill-md" و description و url و digest (sha256 للملف).

لو موقعك WordPress

  1. ارفع الملف من مدير الملفات في لوحة الاستضافة (cPanel أو hPanel) أو بـ FTP جوه مجلد public_html، والفولدر اللي اسمه بيبدأ بنقطة (.well-known) اعمله لو مش موجود.
  2. احسب الـ digest بأي أداة sha256 أونلاين للملف بالظبط زي ما رفعته، وحدّثه كل ما تعدّل SKILL.md.
كتالوج الـ APIاختياري

على أي موقع

  1. لو عندك API عام: اعمل ملف JSON فيه linkset بيشاور على رابط الـ API وتوثيقه (OpenAPI).
  2. ارفعه على /.well-known/api-catalog من غير امتداد، ورجّعه بـ Content-Type: application/linkset+json.

لو موقعك WordPress

  1. ووردبريس عنده REST API على /wp-json/. لو عايز تعرّف بيه، اعمل الملف وخلّي anchor بتاعه https://example.com/wp-json/.
  2. ارفع الملف من مدير الملفات في لوحة الاستضافة (cPanel أو hPanel) أو بـ FTP جوه مجلد public_html، والفولدر اللي اسمه بيبدأ بنقطة (.well-known) اعمله لو مش موجود.
خادم MCP وبطاقتهاختياري

على أي موقع

  1. MCP بيخلّي الوكلاء ينادوا أدوات في موقعك (بحث، حجز، طلب). اعمله بس لو عندك أدوات حقيقية تعرضها.
  2. اعمل الخادم على رابط زي /mcp، وانشر بطاقته في /.well-known/mcp/server-card.json فيها الاسم والوصف والرابط ونوع الاتصال (streamable-http).
  3. خلّي الأدوات للقراءة بس، أو احميها بتسجيل دخول لو بتغيّر بيانات.

لو موقعك WordPress

  1. فريق ووردبريس الرسمي عامل MCP Adapter بيعرض قدرات الموقع كأدوات MCP. ده محتاج مطوّر ولازم يتظبط بصلاحيات واضحة.
  2. متنشرش بطاقة MCP من غير خادم شغال، لأن ده بيضعف ثقة الوكلاء في موقعك.
فهرس الموارد للوكلاء (ai-catalog.json)

على أي موقع

  1. اعمل /.well-known/ai-catalog.json فيه host (اسم موقعك) و entries، وكل entry فيها الاسم والنوع والرابط والوصف وأمثلة لأسئلة representativeQueries.
  2. حط فيه كل حاجة عندك للوكلاء: Agent Skills وخادم MCP والـ API.

لو موقعك WordPress

  1. ارفع الملف من مدير الملفات في لوحة الاستضافة (cPanel أو hPanel) أو بـ FTP جوه مجلد public_html، والفولدر اللي اسمه بيبدأ بنقطة (.well-known) اعمله لو مش موجود.
WebMCP: أدوات جوه الصفحة

على أي موقع

  1. ضيف سكريبت صغير بيسجّل أداة بـ document.modelContext.registerTool، زي "ابحث في الموقع"، فيها name و description و inputSchema و execute.
  2. للفورمات الموجودة: ضيف للفورم toolname و tooldescription، ولكل حقل toolparamdescription.
  3. السكريبت مش بيعمل حاجة في المتصفحات العادية، فمش بيأثر على السرعة.

لو موقعك WordPress

WPCode (لإضافة أكواد من غير تعديل القالب)

  1. في WPCode ضيف JavaScript Snippet مكانه Site Wide Footer أو الصفحة الرئيسية بس، فيه أداة بحث بتستخدم /wp-json/wp/v2/search?search=الكلمة.
  2. استخدم الكود الجاهز اللي بيطلع في نتيجة الفحص تحت نقطة WebMCP.
تسجيل دخول الوكلاء (OAuth وauth.md)اختياري

على أي موقع

  1. دي للمواقع اللي فيها API محمي بتسجيل دخول وعايزة الوكلاء يدخلوا نيابة عن المستخدم، زي المنصات والتطبيقات.
  2. بتتعمل بخادم OAuth حقيقي وملفات /.well-known/oauth-authorization-server و oauth-protected-resource و /auth.md.
  3. لموقع محتوى أو مدونة أو متجر عادي سيبها. نشر الملفات دي من غير نظام حقيقي وراها بيفتح باب حماية ومش بيفيد الظهور.

لو موقعك WordPress

  1. لووردبريس: متعملهاش إلا لو عندك تطبيق أو API بيستخدمه عملاء بحساباتهم، وبمطوّر متخصص في الحماية.

أساسيات

HTTPS والتحقق من التغيير

على أي موقع

  1. فعّل شهادة SSL (مجانية من Let's Encrypt أو Cloudflare) وحوّل كل روابط http لـ https بتحويل 301.
  2. اتأكد إن السيرفر بيرجّع ETag أو Last-Modified. أغلب السيرفرات و CDN بتعملها مع الكاش.

لو موقعك WordPress

Really Simple Security (SSL)

  1. غيّر عنوان الموقع لـ https من الإعدادات ← عام، أو فعّل إضافة Really Simple Security.
  2. إضافة كاش زي LiteSpeed Cache أو WP Super Cache بتضيف Last-Modified لوحدها.
صفحات الخطأ بترجّع 404 حقيقي

على أي موقع

  1. افتح رابط مش موجود في موقعك واتأكد إن السيرفر بيرجّع 404 مش 200.
  2. متحوّلش كل الروابط الغلط للصفحة الرئيسية. حوّل بس الروابط القديمة اللي ليها بديل حقيقي.

لو موقعك WordPress

Redirection

  1. شيل أي إضافة بتحوّل كل الـ 404 للرئيسية (زي All 404 Redirect to Homepage).
  2. استخدم Redirection للتحويلات المحددة بس، وخلّي قالبك يعرض صفحة 404 مفيدة فيها بحث.
RSS أو Atom

على أي موقع

  1. اعمل فيد RSS لمقالاتك أو صفحاتك الجديدة.
  2. ضيف في الـ head: <link rel="alternate" type="application/rss+xml" href="/feed/">

لو موقعك WordPress

  1. ووردبريس عنده فيد جاهز على /feed/، والقالب لازم يدعم automatic-feed-links عشان الرابط يظهر في الـ head.
  2. لو قفلت الفيد من Yoast من Settings › Advanced › Crawl optimization أو بإضافة Disable Feeds، رجّع فيد المقالات الرئيسي على الأقل.
ملف security.txt

على أي موقع

  1. اعمل ملف نصي فيه سطرين على الأقل: Contact: mailto:security@example.com و Expires: بتاريخ بعد سنة.
  2. ارفعه على /.well-known/security.txt وجدّد تاريخ Expires كل سنة.

لو موقعك WordPress

  1. ارفع الملف من مدير الملفات في لوحة الاستضافة (cPanel أو hPanel) أو بـ FTP جوه مجلد public_html، والفولدر اللي اسمه بيبدأ بنقطة (.well-known) اعمله لو مش موجود.

إزاي تستخدمها

  1. اكتب رابط موقعك الأداة بتفحص الدومين كله (الصفحة الرئيسية والملفات اللي في جذر الموقع)، فأي رابط من الموقع ينفع.
  2. ابدأ بالأحمر في "بوتات الذكاء الاصطناعي" و"اكتشاف الموقع" دول أساس السلّم: من غيرهم مفيش حاجة فوقهم بتتحسب.
  3. افتح أي نقطة وانسخ الكود أو انسخ برومبت الإصلاح الجاهز واديه لـ Claude أو ChatGPT مع كود موقعك، وارجع افحص تاني بعد التعديل.

أسئلة شائعة

يعني إيه موقع جاهز للذكاء الاصطناعي؟

يعني ChatGPT وClaude وPerplexity ووكلاء الذكاء الاصطناعي يقدروا يلاقوا صفحاتك ويقروها بسهولة ويعرفوا شروطك في استخدام المحتوى، ولو عندك خدمة يقدروا يستخدموها. ده بيزوّد فرصتك تظهر كمصدر في إجاباتهم.

الأداة بتفحص إيه بالظبط؟

أكتر من 20 نقطة: robots.txt وقواعد بوتات الذكاء الاصطناعي وContent-Signal، خريطة الموقع، llms.txt، نسخة Markdown للوكلاء، Link headers، البيانات المنظمة، المحتوى من غير جافاسكريبت، Agent Skills وMCP وWebMCP، وأساسيات زي HTTPS وصفحات 404.

المستوى من 0 لـ 5 ده جاي منين؟

نفس سلّم أداة isitagentready من Cloudflare: كل مستوى محتاج اللي قبله. 1 robots.txt وخريطة موقع، 2 قواعد البوتات وContent-Signal، 3 نسخة Markdown، 4 أداة يستخدمها الوكيل زي Agent Skills أو MCP، 5 تسجيل دخول للوكلاء بـ OAuth.

لازم أوصل للمستوى 5؟

لأ. المستوى 5 للمنصات والتطبيقات اللي فيها حسابات وAPI. لموقع محتوى أو مدونة، المستوى 3 أو 4 مع درجة عالية هو الهدف المنطقي.

هل ده بيأثر على ترتيبي في جوجل؟

أغلب النقط دي مش عامل ترتيب في جوجل، بس فيها أساسيات بتفيد جوجل كمان (خريطة الموقع، البيانات المنظمة، المحتوى من السيرفر، 404 الحقيقي). والأهم متمنعش Googlebot ولا بوتات البحث بالذكاء الاصطناعي.

موقعي WordPress، أعمل إيه؟

كل نقطة في قسم "إزاي تصلّح كل نقطة على موقعك" ليها خطوات مخصوص لووردبريس: الإضافة المناسبة (Yoast أو Rank Math أو غيرهم) ومكان الإعداد بالظبط. وأغلب النقط بتتعمل من إضافة السيو اللي عندك من غير كود.

هل الأداة مجانية؟

أيوه، مجانية ومن غير تسجيل. فيه حد بسيط لعدد الفحوصات في الدقيقة، ونتيجة نفس الموقع بتتحفظ 5 دقايق.

أسئلة من البنك عن الذكاء الاصطناعي والبوتات

أدوات مجانية تانية

كل الأدوات
السيو الداخليالسيو الخارجيالسيو التقنيالبحث في البنكدليل الأدواتSkills لكلودحسابي وتقدّمي
مساعد السيوبيجاوب من محتوى الموقع ويذكر المصدر

أهلًا! اكتبلي مشكلة السيو اللي عندك وأنا هدوّر في محتوى الموقع وأجاوبك وأقولك المصدر.